مدونة الشاعر عبدالعباس بیت صیاح

اقسم وحگ کارون و الکرخه و الهور احمی الوطن بدمای و ابقیله ناطور

هوسات فی حق عشایرنه الاماجد الجزء الخامس

عشایرنه   شبیه اسباع لو صالو

او لجل الدین اعلام الحرب شالو

او بالمنیور اخبرک مکرمه نالو

(  و  العالم  ضل  یشد بیها )

******

عشایرنه مشو ابراده المعبود

عشایرنه  ابدماهم حافضو  لحدود

عشایرنه  الیعادیهم یضل مطرود

( چرچیل  احتار  ایضا بیها )

******

عشایرنه  یهالتنشد ابیوم الکون معروفه

او یشهد الهم التاریخ حطو بالعده خوفه

و اخبرک عمله المنیور کوکز سرد و اجلوفه

( او لندن ما ظن  ینساها  )

******

عشایرنه  نشامه او بالحروب انسور

عشایرنه  ابفعلهم  یشهد المنیور

عشایرنه  العدو  منهم صبح مکسور

( رد فاشل و الدمعه ابعینه )

******

ما ننسه هلی او ذیچه الابطال

بالمنیور واحدهم اسد من صال

و اخبرنک ببو فدعه  (1)  الشهید الگال

(  بدلت انشیده ( 2 )  ابحوریه )


1_ احد شهداء معرکه الجهاد و اسمه محمد بن احمید من عشیره البروایه

2_ اسم زوجه الشهید محمد بن احمید

******

+ نوشته شده در  93/01/09ساعت 12:49  توسط ادیب الطائی  | 

هوسات فی حق عشایرنه الاماجد الجزء الرابع

عشایرنه  ارجال القلم و السیف

عشایرنه  الحرب عدها تگول الکیف

عشایرنه  ابفضلهم یعجز التوصیف

( یحتار الیذکر طاریها )

******

عشایرنه  ابحگهم یشهد التاریخ

اهل غیره و اسمهم  واصل المریخ

لون تسال علیهم کل شباب و شیخ

( ایخبرک و اللّه ایخبرک بسباع النیبه )

******

عشایرنه  امن اذکرنهم اضل حیران

عشایرنه  ابحگهم  یشهد المیدان

عشایرنه  کل واحد بطا حرّان

( اطواب  الکافر چسبوها )

******

عشایرنه  اهل غیره او حمیه او زوم

عشایرنه  نشامه او یومهم معلوم

عشایرنه  طبعهه تفرس الصمصوم

( شاهدها  المنیور  او  یومه )

+ نوشته شده در  93/01/09ساعت 12:48  توسط ادیب الطائی  | 

هوسات فی حق عشایرنه الاماجد الجزء الثالث

عشایرنه  تشع اتگول چن اهلال

عشایرنه  کل واحد بطل عیال

عشایرنه  ابعزمهم الحمل ما مال

( ما  مال  ابعزم اهل  النیبه )

******

عشایرنه  تبیع ارواح لجل الدین

عشایرنه  سرو ابنهج  ابو الحسنین

عشایرنه  نبیهم  سید الکونین

( و ابیوم  المحشر  ینجیها )

******

عشایرنه  سفن الشایلات اشراع

عشایرنه  ابعزمهم الاسم ما ضاع

عشایرنه  للذل ما تمد اذراع

( اسباع او یشهد  ماضیها )

******

عشایرنه  عدهم ما ینام اللیل

عشایرنه  علی اعداها حجر سجیل

عشایرنه  مضایفهه  تفوّح هیل

( الوافد و اللّه الوافد یشهد لک بیها )

******

عشایرنه  اضل محتار لو راید اوصفهم

عشایرنه  ابیم الکون فنه الیگرب الحدهم

عشایرنه  عرب و اتجول بالمیدان عشمتهم

( کل  واحد  منهم  ملزومه )

******

عشایرنه  عرب و امعربه امن الرب

عشایرنه  یمرهم بالعده یلهب

عشایرنه  اشموصفهم علّی یصعب

( کل واحد  سردال  ابیومه )

******

عشایرنه  عرب و امعربه یا ناس

عشایرنه   اسود و داعت العباس

عشایرنه   مضایفها تفوّح یاس

( الهاون یشلی و منصوبه ادلاله )

****


+ نوشته شده در  93/01/09ساعت 12:46  توسط ادیب الطائی  | 

هوسات فی حق عشایرنه الاماجد الجزء الثانی

عشایرنه  اخبرک بیهه حلوه اطباع

عشایرنه  ضل منهه العدو مرتاع

عشایرنه  بالطیبات اسمهم شاع

( الیندب  دوم  ایحضونه )

******

عشایرنه  شبیه اصگور صیاده

عشایرنه  عدهم الحرب عاده

عشایرنه  متحب موت الوساده

( وهامه و اتموت اعلی الحگ )

****

عشایرنه  اهل نخوات و امروه

عشایرنه  ما تقبل حچی الگوه

عشایرنه  زین اتقدر الخوه

( خی  عونه  الکلمن  واساها )

******

عشایرنه  اهل غیره او شهامه او زود

عشایرنه  علی الطیبات کلها احیود

عشایرنه  یحبهم خالق المعبود

( تستاهل  دوم امجد بیها )

******

عشایرنه  اهل غیره او اهل نوماس

عشایرنه  تعرفهم جمیع الناس

عشایرنه  مشت ابسیره العباس

( الحید المن  حیدر  زوده  )

******

عشایرنه  ابعهدهم دوم وفایه

عشایرنه اباسمهم تشهد الثایه

عشایرنه  بحرهم من گدر مایه

( بحر  اظلم  و اسباع  ارجاله  )

******

عشایرنه  اهل غیره و شهامه و زود

عشایرنه  علی الطیبات کلها احیود

عشایرنه  یحبهم خالق المعبود

( تستاهل  دوم امجد بیها )

******

عشایرنه  تبیع ارواح یوم الکون

عشایرنه  تفک الینخه لو مدیون

عشایرنه  اهل علم  و حچی الموزون

( چم شاعر  یشهد  دیوانه )

******

عشایرنه  الیوث و رابیه ابغابات

عشایرنه  تجول ابساحه الجبهات

عشایرنه  عد عیناک بالشدات

( عد عینک  یوم التنخاها )

******

عشایرنه  اسود او ما تطیع الذل

عشایرنه  تبیع ارواح لجل الخل

عشایرنه  الیعاشرها ابد میمل

( وفایه و  العالم  یشهد  )

******

عشایرنه  نشامه او للحدود اسوار

عشایرنه  یبرج بیدها البتار

عشایرنه  عزمهم من علی الکرار

( یوم  اتناخت  الکافر  ذل )

******

عشایرنه  تصید الما یصیدونه

شبیه الباز یوم الیفتح اعیونه

عشایرنه العدو اسموم یسگونه

(  فرسان  او  یشهد ماضیها )

******

عشایرنه  من العدوان اخذت حیف

عشایرنه   بیدیهم یلوگ السیف

عشایرنه  اهل المرجله و امضیف

( الهاون و اللّه الهاون یشهد و ادلاله )

******

عشایرنه  تشع اتگول نجم اسهیل

عشایرنه  علی المظلوم ابد متعیل

عشایرنه  العدو منها صرخ یا ویل

( یا ویله الکلمن عاداها )

+ نوشته شده در  93/01/09ساعت 12:37  توسط ادیب الطائی  | 

هوسات فی حق عشایرنه الأماجد _ الجزء الأول

عشایرنه اهل التقوی و الایمان

عشایرنه الکل منهم فرد حرّان

عشایرنه مشوا بمنهج  القرآن

( انصار الحیدر و اولاده )

***

عشایرنه أهل التقوی و العفه

عشایرنه عدوهم بالخزی جفه

عشایرنه علمهم ما رجس لفه

( ایرفرف دوماً بالثایه )

***

عشایرنه ابدمهم حامو الأوطان

عشایرنه ارضهم مچمن الفرسان

عشایرنه الیعادیهم یضل خسران

( العایل دوم امنچلینه )

***

عشایرنه اربات الدله و الفنیان

عشایرنه ابکرمهم تشهد العربان

عشایرنه الگصدهم ما یضل حیران

( الوافد دوم ایحیوله )

***

عشایرنه مشو ابراده الباری

عشایرنه تسوه المدح یالقاری

عشایرنه ابذچرهم تنطفی ناری

(طرواهم مرهم لجروحی )

***


+ نوشته شده در  92/03/29ساعت 11:47  توسط ادیب الطائی  | 

ابوذیات اجتماعیه

وحگ البان عالمخلوگ      عدله

الدنیه ما مشت ویای      عدله

عندی احباب چانت گبل   عدله

( مشوا و ادیارهم ظلت خلیه )


××××


یعت یا صاح بیه الوکت         و نعت

او عله حالی التودنی احزنت    و نعت

چنت آنه الاوصف الدوه       و نعت

( مریض اصبحت مدری اشلون بیه )


××××


الدهر صوبی نفضله اسهام      ونکت

جرح گلبی او دمعی انسال        ونکت

هظمنی او ودّر الخوان             و نکت

(  او خله افراگهم یصعب علیه  )


+ نوشته شده در  92/01/02ساعت 14:48  توسط ادیب الطائی  | 

ابوذیه

ابوذیه

یصاح الدلم المثلی          ونتله

و دهری عتعت ابگلبی     ونتله

الگبل کالتل الی چانت      ونتله

( ابعدوا عنی او جفاهم عم علیه )

+ نوشته شده در  91/12/15ساعت 20:52  توسط ادیب الطائی  | 

الدارمی الجزء الثانی

الدارمی


و اللّه اصبحت حیران منچ یدنیای     شبه الذی عطشان وابوسطه المای

******

شبه الخضیری اصفیت ابشاطی المای      و ابتفگت الصیاد امجرحه اچلای

******

النهوه لا بکتاب لا هی ابشریعه     او کلمن صبح نهای یندم یشیعه

******

الینهه شیحصل غیر المذمه          لو بالسجن تلگاه لو یجری دمه

******

رسم الیطیح ایکون یتنخه بهله        او کلما احشم بیک اتگلی سهله

******

رسم الیطیح ایکون تنغرله لحباب     او حمل الوگع یا صاح متشیله الاجناب

+ نوشته شده در  91/12/01ساعت 19:37  توسط ادیب الطائی  | 

الدارمی الجزء الال

الدارمی

 

لتون بعد بسکوت بسک یدلال         ایست من دنیای یوم الظعن شال

******

الخنسه یا هالناس مو مثلی ونها        او حادی الظعن من سار روحی سحنها

******

حادی الظعن من سار گلبی تفطر       او دمعی علی الخدین سال او تطشر

******

حادی الظعن من سار و اگطع البیده     روحی خذاها اویاه الحادی بیده

******

لو ما حچی العذال و الللّی یکرهون       حادی الظعن یاناس ما ساگ الظعون

******

ما ادری اللوم الروح مدری الگلب عاد      مبلی ابسگم ظلیت   او محروگ الفاد

******

وین الگلت عیناک بالشده  یفلان             شو منی اتبریت یوم الدهر خان

******

وین الگلت عیناک یوم المصایب           طایح و احشم بیک وینک یخایب

******

الچنت ازامط بیه و حسبته زندی          تالیته بالشدات خلانی وحدی

******

الچنت ازامط بیه ابدچ الرماح               سیفه علی شهراه اباول اصیاح

******

الچنت احسب اعلیه ایضمد الجروح        تالی یگل لعدای خافنه بیه روح

******

الجنت اضنن بیه مرهم للعیون             وسفه طلع یا ناس تالیته فرعون

ا

+ نوشته شده در  91/12/01ساعت 19:34  توسط ادیب الطائی  | 

هوسات اجتماعیه ( القلم 2 )

تصهل بالبراری او تضل دوم اتجول

عشمتکم عالاعادی یخوتی یفحول

الکم سیف کل وکته یضل مسلول

( او یگطر دم بیام النیبه )

******

اتخسی و الّله الاعادی توصل المیدان

نخلیها طعم للوحش و الغربان

عرب احنه یخوتی موش چیف انچان

( زلم النیبه و اربات الصد )

******

اسباع الحد بالملاعب ما تردنه ارماح

او منهاب الاعادی لو یصیر اصیاح

الخصم لو ما نلقنه ادروس ما نرتاح

( اسال من کوکز یوم البچیناه )

+ نوشته شده در  91/07/14ساعت 19:17  توسط ادیب الطائی  | 

فی حلول عید الفطر السعید




فی حلول عید الفطر السعید

*******


ابهالعید السعید الناس فرحانه          و البلبل یغرّد بحسن الحانه

                                     *******


البلبل یغرّد بجمل الاطوار        

                                  و اطیور السعد ترگص علی الاشجار

زهیه ادیارنه او شطرت الأنهار

                او شطنه البالکرم ما تشف نهرانه

                                     ********     

شطنه من عذب و یسیل بالودیان  

                            او شتذکر هلی الکل فرد حرّان                  

ابیوم العید بیهم یزهی الدیوان

                               او کل واحد تشوفه ایهنی خلانه

                                      ********

کل واحد تشوفه مبتسم سنه

                                  چنه احساب داخل روضه الجنه

و الآخر تشوفه بالفرح غنه              

                                 یگول اهلاً ابعید الخیر من جانه

                                    ********

یگول اهلاً ابعید الجمع الطیبین

                             یعایدهم و ایحبهم علی الخدین

یتفگد احبابه او یذکر الماضین 

                           او یتبارک لخوته او جمع جیرانه

                                  *********

 

+ نوشته شده در  91/05/29ساعت 9:16  توسط ادیب الطائی  | 

هوسات بمناسبة حلول عید الفطر السعید

الناس افرحت کلها ابشهر شوال

حین البالسمه بیّن علینه اهلال

من عین المحب دمع الفرح همال

( الحی و الله الحی فرحان ابعیده )


****

طیر السعد غنه او فرحت الاوطان

او کل واحد تشوفه ایعابد الخلان

ارید امن الآله النزل القرآن

( یرعانه الباری ابعینه )


***

کل الخلگ فرحانه او تهوس الیوم

ابهالعید السعید او شکرت القیوم

اطفال البالبلد لبست جدید اهدوم

( فرحانه و الدیره امعیده )

***


+ نوشته شده در  91/05/28ساعت 16:42  توسط ادیب الطائی  | 

دارمیات بمناسبة عید الفطر المبارک

دارمیات بمناسبة عید الفطر المبارک

*******

ابعیدک یشهر الخیر فرحانه هالناس   یالریحتک فاحت کالجوری والیاس

***

یا مرحبة ابشوال و یاهله ابعیده         الباری آمر بیه حگی امن اریده

***

النخل ویّة الهور و اشطوط البلاد        فرحت ابیوم العید وی اهلی الأمجاد

***

عید الفطر فرّح کل اهلی الأعزاز        او حگة لون ایظل یتباها اللأهواز

***

ابعید الفطر کل جار ایهنی جاره         او طیر السعید یرگص یم الحباره

+ نوشته شده در  91/05/26ساعت 22:52  توسط ادیب الطائی  | 

هوسات اجتماعیه ( القلم )


 قلم  العز یصول او عیب ضم روحه

مومثل السیوف التشبه اللوحه

متلاطم بحرنه و یرهب ابموحه

( یرهب فوایه بحر اظلم )


******

قلم العز یصول او عیب بعد ایهید

سره ابدرب الحقیقه او لا تظن ایعید

چم عیّال چم سردال چم صندید

( بوجوده اعتز و اللّه اعتز )

******


قلم العز یصول او ما هجع ساعه

و لا مره ضمیره للبطل باعه

یضل ینصر الحگ او عالی اشراعه

( الحگ و اللّه الحگ منصور ابیاله )

******


قلم العز یصول او عیب عینه اتنام

نال ام العله او چسب خوش اوسام

هذه البیه عزه او بیه رفعت هام

( و الشعب الحر بیه یتباها )

******


قلم العز یصول ابساحه الکتاب

نال ام العله و الامل بیه ما خاب

جرح الگلب یا صاحب اخبرک طاب

( طابت من زوده اجروح اتدی )

******
+ نوشته شده در  91/05/05ساعت 17:58  توسط ادیب الطائی  | 

هوسات اجتماعیه

هوسات اجتماعیه

******

ارید انظم اشعاری ابعاطفه او احساس

و اقدمهن لبن المرتضی العباس

و اگله سیدی مدری اشلفه هالناس

( حچای الحگ  ما یردونه )

******

یطلبونه الکفر عتبات من دوره صلاح الدین

او مقصد ذوله الاوغاد یضعف کون هاذ الدین

ما یدرون بالاسلام یحرسه خالق الکونین

( و انضحیله الدین ابدمنه )

******

خلّت بالعده لوعات های الناس

اسود او من طبعها ما تطخ الراس

وحگ احسین نحلف و البطل عباس

( نوگف بیها لو صار الصد )

******

 الیحچی الحگ بعضهم ما یریدونه

او حچای الچذب اکثر یایدونه

و العنده حلال الکل یقدرونه

( و الما یملک ربعه اتعوفه )

******

حر عیش ابزمانک و احچی بالمعروف

او لتهاب الاعادی لو تصیر آلوف

اسمک یحط بیهم الوجل و الخوف

( او یخلسهم ساعات النیبه )

******

حر عیش ابزمانک شبه حامی الجار

حتّی اتصیر نشمی او صاحب الشنیار

کفو او نعمین بالما قبل ذله او عار

( او لبس عدوانه اثیاب الذله )

******

حر عیش ابزمانک لون عندک ذات

او لجل الدین جاهد ساعه الشدات

تراهو المات عالحگ لا تفکر مات

(  ما مات الطیبات اعلومه )

******

حر عیش ابزمانک شبه ابو السجاد

اخو زینب الحید النچل الاوغاد

رفض عیشه الذله و العمر ما راد

( و الموت ابعز بالطف راده )

******

حر عیش ابزمانگ و اخدم الگومک

او خلیها الاعادی تشهد ابیومک

اذا بالکون یا خی شاعه اعلومک

( اسمک یمشکر کلها اتگوم اتسولف بیه )

******

حر عیش ابزمانک شبه ابو الحسنین

او ضحی الروح من لجل الوطن و الدین

یضل اسمک فخر بگلوب المحبین

( او بیام النیبه اسمک یتسجّل )

******
+ نوشته شده در  91/03/23ساعت 22:14  توسط ادیب الطائی  | 

المیمر 2

 


خی عونه اللّی ینتشر          دیوانه

اتشوفه دایم منشحن            دیوانه

گلولی بعض امن الخلگ       دیوانه

( و اتسودنت و اصبحت هایم بالبر )


******

ما ریده اللّی ابطیبته            من عالی

و اطلب الجنّه الوالدی          من عالی

گاعد الوین و انسحن           من عالی

( و اتگلی المخلوگ لا تتقشمر )


******


الاعمال کلهه یا خلگ           بنیه

و ابشبچی ما مره صدت        بنیه

کلما اشوفن بالسلف             بنیه

( ادعی علی الینهون اظلن و اشقر )

******


کلمن قرت گالت صرت           ملایه

او حتّی الگلب یویع  غده         ملایه

الما عرف راس الطلی            ملایه

( ماهو عجیبه لو یجرحه الخنجر )


+ نوشته شده در  91/02/13ساعت 21:34  توسط ادیب الطائی  | 

المیمر 1

المیمر


 

لو غاب ولفی الگلب           من ساره

و اشلون حدای الظعن         من ساره

ظیم اللفانی یا خلگ           من ساره

( خلانی ساهر لیلی و انظم میمر )

******

الزم گمت کاس الصبر           و یراعه

او منی اشتکه حتی الورق       ویراعه

وین اللّی یکرم صاحبه          ویراعه

(  گام الاخو یضرب اخیه ابخنجر )

******

لتخلی سیفک بالغمد         و گرابه

و اتعنه للطیب ابعزم         و گرابه

تنعرف ما بین الغرب         و گرابه

( و اسمک یضل لهل المکارم مصدر )

******

دوخنی دهری یا خلگ          من یوره

و اگلیبی من عرجه انشلع       من یوره

الیار شفته ابتعد                 من یاره

( و الاخو ابسیفه اعلی الاخو ایدوّر الکر )

******

اعجزت من کثر المشی          و الفره

او دهری حمس گلبی ابجدر      و الفره

عتاو شارد یا خلگ                 و الفاره

( تطرد علیه و امن الفرح تطفر )

+ نوشته شده در  91/01/20ساعت 19:28  توسط ادیب الطائی  | 

ابوذیات غزل الجزء 3

  

 

ابحچیک ترقل الدلال             و ترک

او علی افراگک تهل العین       و ترک

ترید اویاک انسه الفات           وترک

( و انا ابلیاک شلی ابهالدنیّه )

******

 یهالمبعد علی خایب               ولک راد

او دلیلی هل یحن صوبک         ولک راد

الترک ابچت علی حالی            ولکراد

( اوعربنه اگعدت تتلاطم علیه )

******

متی لشگر اکضنه               ولی حان

او چم عاشق بچه لجلی         ولی حان

المبعد چنت اصوبنّه            ولی حان

( ابجفاه اخطیت حتّی الگرب لیه )

******

ابد ما تعجز اعیونک            من الصد

او علی اکلف تره یسمر         من الصد

آنه المعجزت  مره              من الصد

( صدتنی یا ترف و عملت بیه )

******

شال الیود بیده الترف               ودله

او یهالماشی سلامی ارجوک       ودله

انه الدلالی من الزغر                ودله

( عجیبه بس کبر ما نشد بیه )

******

بعدنی الحب علیه اطرد            و حیده

و لا عوفچ یالحبیّبه                وحیده

گلبی ما هوه غیرچ                وحیده

( هواچ او خل تلوم الناس بیه )

******

عجبنی اهوای من تمشی          میالک

او خبر حبی یالحبیّب             میالک

حبیبی امن السلف افدی          میالک

( او روحی او هم الک منه علیه )

******

منهو العلمک للهجر             منشار

او بعدک بالگلب هالصار        منشار

لجلک ما اخافن ابد              منشار

( اتبعنک  و لو بیهه المنیه )

******

ابطولک ابد ما یاجد          ولک میل

او علینه ارجوک یمدلل       ولک میل

گلبی امن العتب یشگر        ولک مل

( اشممیل اعلیک ما تعطف علیه )

******

یواشی عن طریج اهوای         زمزم

او یریتک تنحرم من مای        زمزم

دگلی اشحصلت من گلت         زمزم

( تحبنی و اترست بیه البریه )

******

العوذ ما تفید اویاه                ودعه

و اضل اشقر علی المنعوه       ودعه

یگلولی الخلگ یفلان            ودعه

(  اودعه اشلون و آنه النار بیه )

******

محاوره بین الاخوه و الاخت :

الاخو لا هو الاجیبنه             و خلفه

و اعیشن بالکدر بعده            و خلفه

لون روحی اله افدیها            و خلفه

 ( ما جازی الولی الیعطف علیه )

******

اباسم کل حره اتفاخر           و بختی

و احس بیهن  گعد حظی         و بختی

کلامچ برّد اگلیبی                  و بختی

( و اشیلنچ علم ما بین ادیه )

**********

عمر الفات ابد ما راح              برده

او یرب الکون نار احشای         برده

انه المسعیت للمخلوگ              برده

(علیش اسمع حچی امن اهل الردیه )

******

یدنیه ابغزلچ اشما بیچ           فتلی

لان دهری صبر بحشای         فتلی

 یا وسفه العمر کالطیف          فتلی

( و احس عمری انته ابهای الدنیه )

******

دهری ما جره المعروف          مره

او خلانی اجرعت کاسات         مره

اریدن طیر سعدی یمر             مره

(  علی ادیار البگت وحشه او خلیه )

******

الدهر عضنی ابنیبابه          و طابگ

و اخذ منی عیش المسمسم         و طابگ      

انه اشمذکر محلتنه                 و طابگ       

( السمه و الارض تطابگ علیه )


الطابوگ : احد المناطق فی مدینه عبادان 

******

حین الّلی اهجرت یا صاح       طابگ

امشرد و العسر ویای             طابگ  

طبگنه الچان یا جد بیه           طابگ

( بگه خالی تره هل بیه ایدیه )

******

العشمه دوم انه ارختها           و عنها

و ساعد جیمه التنخه              وعنها

النوایب عیب ارد منها           و عنها

( ابعزم گومی او عمای الاریحیه )

******


+ نوشته شده در  91/01/06ساعت 9:53  توسط ادیب الطائی  | 

ابوذیا ت غزل الجز 2

ابوذیا ت غزل :

 

ابشاطی الحب شفت یاناس        بطین

رمنی او صار بالدلال             بطین

یما اویاهن لعبنه ازغار           بطین

( او گضت بفراح من چنه سویه )

******

مثل ولفی ابد ما شفت               بالحی

او علی موده حملت اهموم         بالحی

عرفتی اویاه ابلیه عشر            بالحی

( ابشهر عاشور ذاک المر علیه )

******

کتلنی الابس الشرمن           و یومی

نظرنی او گربت امنیتی       و یومی

احب ادری حلو ریجه         و یومی

( ابسبب ولفی او یمنعونه علیه )

******

ریم الیبچی المبچای             و یناح

گعد یمشی ابعکس ویای        ویناح

اذا منی یفر ابریش             و یناح

( اتبعه  لو بعد  یم الثریه )

******

یشگر بس بعد منک            ولک باس

ابحیاتک ما شفت منک        و لک  ...

انه الظنیت الک شیمه          و لک باس

(  و لک ثاری اطلعت تبخل  علیه )

******

الناس العود یانسها           و ناطار

او کلها اگلوبها جیده          و ناطار

حمام الحب سکن یمها        و ناطار

( شاه او راح مدری ابیا نویه )

******

حبیبی  ابهجرته  ناره             دوالی

او مریض آنه اصبحت مامن      دوالی

یعاذل ابتعد عنی                    دوالی

( علیمن کل وکت تحوی الردیه )

******

ابحسنه ما یجد ولفی            و سمره

او لحط گلبی علی اگلیبه        و سمره

کلمن شاف محبوبی              و سمره

( سهم چتال صارتله  و منیه )

******

الصداقه اویاک ما ودها        و لاحب

و لا حط ایدی ابایدک          و لاحب

لانی عایش ابمیک             و لاحب

( و لا ریدک ابد تسال علیه )

******

جرح ما یوجد ابخدک          و لا حب

و لا ترضه اشمنک            و لا حب

صدگ ما عایش ابمیک        و لا حب

( لچن حبک شعل نیران بیه )

******

المودک ما انام اللیل             و جلک

و لا وصلاک منی اعتاب       و جلک

الحرگنی ما اظن احرگک       و جلک

( حبک و البعد شب نار بیه )

******

یعینی ابدم علی الوجنات          یاری

علی افراگ الحبیب الچان        یاری

حرت یا ناس مدری اتخذ         یا رای

( ارید اهل الهوی تفرض علیه )

******

دلیلی ینسمع یا ترف           دنه

شبه طوب الیثور ارداف      دنه

لا تبتعد یمی ارجوک          دنه

( او شوف اهواک شنهو العمل بیه )

******

الاسمر یوم طرت الفجر         جنّه

سودنّی او حط بالعگل           جنّه

عگبه ما احب یا ناس            جنّه

( الجنّه اهوه و حیاتی ابهالدنّیه )

+ نوشته شده در  90/12/28ساعت 19:1  توسط ادیب الطائی  | 

ابوذیات 4

ضعف شوفی او دلیلی الصبر     مله

او نیران الغضا بحشای            مله

ارید امن الحمل و الیود            مله

( ینطی حاجتی و ایمن علیه )

******

وهگ بیه الدهر بالظیم          و الیار

او دلیلی انعاب من الملخ        و الیار

علی حالی تاذه المحب           و الیار

( او کثیر امن الربع نصبت عزیه )

******

شخص الما  یکع بته           و مرته

اترکه و لا تود جیته            و مرته

غبرته للخلگ دایم               و مرته

( او تتستر من افعاله البریه )


******

شخص الما حفظ بیته           و عرضه

لخوته ما بسط روحه           و عرضه

عدوه لو علیه احرب          و عرضه

( یضل وحده و لا عنده تچیه )

******

 شخص الما  یکع مرته        و ردها

ثور او بس یعلجلها             وردها

یراضیها لون تزعل             و ردها

( او من تحاچیه ایحملک اذیه )


******

  چفک ما رفع حملی           و لی شال

او سهمک صوّب اگلیبی        ولی شال

حسبتک ثوب للغاره             و لی شال

( اشو تالی اسلبت هدم العلیه )


******

چفک ما رفع حملی             و لی خاف

او صوتک عیب اسمعنه        ولی خاف

اخوی الما فزع لجلی            و لی خاف

( عیب اتسمه بیه یهل الحمیه )

******

حلات الرجل یحضر کون         بالطیب

او دیوانه یعطّر یضل             بالطیب          

یشیع اسمه شبه لقمان           بالطیب

( و تتباها تضل بسمه البریه )

****

ییمه اشگد رضعتینی             من الدر

عزیزه او شوفتچ اغله           من الدر

یریت الباری میغیبچ              من ادر

( یحفظچ یمه و ایخلیچ لیه )


******

طبعی ما اطخ للذل                و سلمان

او یریت امن الالم اصحه         و سلمان

ارید امن النصر حیدر             و سلمان

( ینصری علی البیهم  ردیه )


******

احبکم یا هلی الطیبین             و اهوای

او بیکم انتخی اشما طیح         و اهوای

انتم ریح الاشتم بیه                و اهوای

( او مثلکم ما شفت یهل الحمیه )


******

العتب ما یفید یا صاحب         و لامه

علی الّلی ما کرم عوده         و لامه

بخیت الّلی یباریهم               ولامه

( او بیهم یکسب الجنه الزهیه )

******

خویکّ بالنفاه او ضیج            شاره

و اذا ضکه الوکت بالروح        شاره

امام الما ظهر للناس               شاره

 ( یصاحب لتظن اتزوره البریه )


******

ابسناسل دهری شبگنی         و قیده

او گمت احسب ابنکباته         وقیده

او داعت حب حمد احلف        و غیده

( غده فلاش گلبی امن الدنیّه )


+ نوشته شده در  90/12/23ساعت 21:38  توسط ادیب الطائی  | 

ابوذیات اجتماعیه 3

 

دلیلی امن الحقد  ابیض                  و خالی

او دهری رضرض اعضامی         و خالی

ذاک اللّی ذخر ردته                         و خالی

( طلع خوّان وسفه او گطع بیه )

****

خویکّ لا تعوفه یوم               لو صد

او عینه من یصیر اصیاح          لو صد

بالنیبه شبیه الباز                   لو صد

( یصید اعداک و یطفی السریه)


********

احشم ما اخو الجانی                و لی ناب

او مذب حملی علی الغربه         و لی ناب

الی سیف اعلی عدوانی            و لی ناب

( یلوچ الماو یوم الموزمیه )


******

عجز من کتبی القرطاس            و یراع

و ادگن بالصبر یا ناس              ویراع

کریم الرجل کون ایصیر            ویراع

( او بالضیجات لا یگصی ابخویّه )


*****

شتریه من الخوان                  و رجه

گطعوها المودّه اویای              ورجه

العمر شجره و ذبل یا صاح        ورجه

( ابیوم الشحو احبابی علیه )

*******

نظمت الشعر من ظیمی             و هامای

او دلیلی امن القهر شیّب            و هامای

وحگ امن السجن فرو              و هامای

( سجن صارت تره دنیای لیه )


******

ابمخالیبه الدهر بحشای           مرعاد

او یهل تسمع اخوک ابعسر       مرعاد

مدام اعلینه بالافراح               مرعاد

( واجب کل خوی یذکر خویّه )

******

عمامی دوم مهیوبه            بسمها

افاعی او تکتل العایل           بسمها

علی غالی تره اهوایه          بسمها

( فرحهم ما یخلی الالم بیه )


******

یصاحب غبره الدنیه               من ادور

و اخبرک مولحت عینی          من ادور

یطارش شنهی اخبارک            من ادور

( ادیاری و الاهل عنو علیه )


******

ادموعی اتجرّع اخدودی          من ادر

او کلام الزین الی اغله             من ادر

انه الّلی الوکت بعدانی             من ادر

( او هجرت الدار من غصبن علیه )


******

اشکثر احباب منی الدهر         ودر

او علیهم دم تهل العین            ودر

عگبهم موحشه الاوطان          ودر

( تون و اتنوح چی ضلت خلیه )

******

اصنع بالقوافی اصبحت           و نجار

و لا میلن ابد لعدای                و نجار

یصاحب وین گلی الاهل            ونجار

( عگبهم موحشه او ظلمه الثنیه )


******

وحگ البان عالمخلوگ           عدله

الدنیّه ما مشت ویای              عدله

عندی احباب چانت گبل           عدله

( مشو و ادیارهم ضلت خلیه )


*******

وحگ احمد نبینه السکن        مادن

حرب الصار هدم کثر             مادن

خفه صوت الهاون بعد           مادن

( او دواوین السلف ضلت خلیه )


******

یصاحب ما انام اللیل            وقفه

او دمع عینی شبه شلال       وقفه

الگبل چانت الی ویاه            وقفه

( لگف گرزه او گعد یهجم علیه )

******

لیلی ما انامنه                و حیه

او شبه عربید یلدغنی        وحیه

ذاک الچان ارحبله           و حیه

( حمه الغیری او صفه امن الگوم لیه )


******

یصاحب لا تگضّی العمر          بلام

و ابّحر الزمن کون اتصیر         بلام

انصحک یالجبت دنیاک             بلام

( لا تنسه یخی ذیچ الدنیه )


******

اشمعالج ما یفید اعلاج           و لمای

او نشف من العیون الدمع        و لمای

صرت مثل الوگع بالبحر          و لمای

( متراکم علی من کل نویه )


******

العمر خلص یصاح ابرّد           و ابحر

و افکر بالمسائل گمت             و ابحر

انه ابعبی الجمعت الصبر         و الحر

( حرت و الناس خلها اتلوم بیه )


******

عمامی انتم اهل السیف          و الزود

او عدکم بس یلذ الشرب          و الزود

سدکم ما یهزه الموح             و الزود

( او یضل عالی اسمکم عالوطیه )


******

   شبه حن النیاگ اعلیک           حنیت

او من ادموعی یخی اچفوف        حنیت

تالیتک رحت للغرب                   حنیت

( و انا اخیک  ولک و اگطعت بیه )


******

الوافد لو یدگ الباب              هدله

او لون تنظر عباته اعلیه        هدله

اذا جارک انعال اعلیه             هدله

( یهدلک یوم لابد  بالثنیه )


******

وحگ الهد علی العدوان         بالرای

الم صایر احس یا ناس           بالرای

شبه کوسی صفیت العاش         بالرای

( اگلب و الزمن یگلب علیه )


******

وحگ موسی اللّی بحر النیل         و جفه

الاخو لازم اله اویه اعضاء           وجفه

لون بعضیده خان الدهر              وجفه

( یشد عزمه او فلا یترک خویّه )


******

عمامی ما تطخ للزور           هامات

او یوم الکون منها احیود      هامات

اشما اسال علی العدلین         هامات

( یگلولی و گوم اصفج بیدیه )


******

وحگ اللّی انذیح عطشان           بالطف

یریت انظر احباب الگلب            بالطف

هلی التحمد جمیع الناس            بالطف

( حسافه الدهر بعدهم علیه )


********

عمود البیت چنه احنه           و رکنه

او حسافه الوکت مردنه         و رکنه

یخی الحیل فارگنه               و رکنه

( او شبعنه امن الدهر ظیم او اذیه )


******

ابعجل یا ناس بیّن شیب          بالهام

او مثلنه ابهالزمن من عاش     بالهام

ابد ما لومن الّلی راح             بالهام

( او هجر داره و عمامه و گطع فیه )

******

الدهر مشعل ابوسط احشای         دوه

او خلانی همت و اسکنت            دوه

اشمدوّر للالم ملگیت                 دوه

( بگیت اجرع صبر و اصفج بدیه )


******

من جور الدهر یا صاح              یرنه

ابصریم او شوک خله الوکت         یرنه

حسبت احساب یوفی الطیب           یرنه

( نکر طیبی او جازانی ابردیه )


******

وحگ الّلی ابامره الکون           جاری

علی الطیبین دمعی ادموم          جاری

آنه افرح اذا یفتره                  جاری

( و اضل حزنان لو اشوفه اباذیه )


******

ابّعض هالناس عیب الصدگ         یاجد

او خلو بالگلب کانون                 یاجد

یهالعقال گولو المفر                  یاجد

( منهم و النجاه ابیا نویه )


******

اخوی الما نشد عنی         و لا سال

علیه ما هل بعد دمعی       و لا سال

عجیبه لا ذبل عوده          و لا سال

( علی العشره الذی چانت سویه )


******

یجر یا صاح بیه الوکت           و نیار

او دلیلی انعاب من السمر        و نیار

نخیت الیار یوم العسر             و نیار

( یاری و الوکت صارو علیه )


******

علیه الدهر جر سیفه           و شهره

او عمری خلصت ایامه        و شهره

اریدن اهتک العاذل            و شهره

 ( مثل ما یشبش الوادم سویه )


******

الدهر یا صاح آذانی             من الیار

هظمنی او ملخ اگلیبی           من الیار

آنه الما اعز روحی              من الیار

( اشو جیرانی کلهه اگطت بیه )


******

الدهر یا صاح المنی             و یرنی

او علی العاگول سحلانی        و یرنی

حزن لجلی السکن یمی          و یرنی

( او علی حالی بچه و انصب عزیه )


******

یعت یا صاح بینه الوکت             و نعت

او علی حالی التودنی احزنت        و نعت

چنت آنه الاوصف الدوه              و نعت

( مریض اصبحت مدری اشلون بیه )

******

الدهر صوبی نفضله اسهام          و نکت

جرح گلبی او دمعی انسال           و نکت

هظمنی او ودر الخوان               و نکت

( او خله افراگهم یصعب علیه )


******

المصایب مردّن گلبی             لونی

نحیل اصبحت و اتغیرت         لونی

اذا ما خاف اتعاتب               لونی

( لچن گلت المصایب بس علیه )


******

القلم و السیف  من شانی          و طبعی

او یروحی للمحب خضعی         و طبعی

انشری یا مکاتبنه                  و طبعی

( دواوین الشعر لهل الحمیه )


******

وحگ الشال سیفه او طبر       مرحب

من طبعی اگل للربع                مرحب

الحنظل من نضوگه انشوف       مرحب

( و مرمنه صدیق البیه ردیه )


******

وحگ الشال سیفه او طبر       عتبه      

صدیق الزین احط عالراس        عتبه 

حتّی لو دلیلی ابشوگ             عتبه  

( ما گله ابد اویرت بیه )


+ نوشته شده در  90/12/19ساعت 9:57  توسط ادیب الطائی  | 

ابوذیات اجتماعیه 2

حلات الرجل یتحفظ              منشّر

و لا یمشی ابحچی الواشی       منشّر

یخلّی بیرقه بالعز                 منشّر

( و ابطیبه کل وکت تحچی البریه )


*********

یصاح الدلم المثلی              ونتله

او دهری عتعت ابگلبی        ونتله

الگبل کالتل الی چانت         و نتله

( ابعدو عنی او جفاهم عم علیه )


*******

عیب اسله یصاح ابعود            و نای

او ناری تحمس المطبوخ          ونای

لون تسال اخبرک صار            ونای

( شبه ون الذی فاگد خویّه)


******

کل الصوچ من ایدی               و حالای

او حسافه ملحگت ربعی          و حالای

لون تسال علی وضعی           و حالای

( مثل حال السدانه ابوسط میه)


******

الناگه من کثر ظیمی            حنتلی

او حسافه دنیّتی ظهری         حنتلی

اخوتی الما اجت لیه            حنتلی

( عندی اعزاز مهما اگطعو بیه )


*******

یحم اعداءکون الرجل            لو زر

و لا یقبل حچی المفروض      لو زر

لون یسکن ابسوطه بید          لوزر

( اشرف من قصور اهل الردیه )


********

الصاحب دوم اکرمنه            و قدره

او من طبعی فلا خونه           و غدره

وحگ رمضان و الیاله          و قدره

(اقدّر کل شهم و البیه حمیه )


********

میحمل گلبی النتلات            و الیار

او تولانی الدهر بالظیم         و الیار

یحگلی اعتب علی الخلان      و الیار

( ابیوم العسر ما حنو علیه)


**********

دهری عتعت ابگلبی           و جربیه

و اخبرنک یخی صایر         وجربیه

یحگلی ابطور من انعه        و جربیه

( زمانی و الدنیّه او یرن بیه )


*****

نصر اهموم وسط الگلب               و انشد

او طبعنه لو نظمنه ابیوت              و انشد

اشما اسال علی الطیبین                و انشد

( یگلولی اسکنو تحت الوطیه)


+ نوشته شده در  90/12/13ساعت 18:55  توسط ادیب الطائی  | 

ابوذیات اجتماعیه

 

 هظمنی الدهر یا صاحب         ترا حیل

او فگد خلای  ما خله            تراحیل

لون منعاب  بالبیده               تراحیل

( و اجابل مرقد البیهم حمیه  )


******

اشد عالغوج  للیندب            و نبله

و لا سیف الیرد عزمی         و نبله

صدیق الطیبه افعاله            و نبله

( علی موده لجابل کل سریه )


******

سیفی اعلی العده یلمع          بریجه

و العایل صبر افتنه            بریجه

صدیق الّلی اشوفنه            بریجه

( ابعسر و ابضیج اصیرنله تچیه )


******          

احتلو مسجد الاقصی            و صحنه

او هظمه مرض السالم          و صحنه

ابیوم القدس کبرنه               و صحنه

( ضد صهیونها اهل الردیه )


******

 قال : المرحوم الشاعر الحاج عبود بن یارالله العدگی

رجال الّلی تعز السلف          و الحد

و سدها الزمان اگبور            و الحد

بعد من وین احصل الزین        و الحد

( الیشیل احمول گومه او گطع فیه )

******

قلت : ردا علی بیت المرحوم الحاج عبود :

دلیلی من قهر دنیای                هم بیه

و ادّور اعلی الذی بالکون         هم بیه

اخبرک هالزمن یا صاح           هم بیه

( الیشیلون الحمل بالموزمیه )


******

یصاحب للمصایب صرت        مردم

علیل آنه او علیه ارجوک        مردم

مده ینزف الدلال                  مردم

( علی احباب الصفت تحت الوطیه)


******

ابیوم اللّی ابممات المحب       عالمیت

من اونینی حمام الدوح          عالمیت

اشیفید اللطم و الاحزان         عالمیت

( شبه مای التبده اعلی الوطیه )

*******

وحگ سرتیب و مهاوی       و شرهان    

الطلایب ما اهابنها             و شرهان

النوایب لو علی عتبن          وشرهان

( علی راسی العتب دون الوطیه )


******

یبناد م  لدنّیه  انتبه                وبّحر

و اعرف خالق الاکوان          و بّحر

فکر عن جهنم دوم               و بّحر

( و لا تقبل تغشک هالدنیّه)


*******

الدنیه ما لها غیره              و لا ذات

تغشک تمشی بهواها          و لا ذات

تحذر لو جفت عنک          و لاذت

( تسقطک للارض های الدنیّه )


**********

سیفک لا تحطه ابغمد              و اگراب

او دومک اعتنی الطیبات          و گراب

یحمدونک تره الایناب             و گراب

( او یشیع اسمک یخی عند البریه )


********

ابگد اغطاک مد ایدک          و رجلک

و ابچی للبچه لجلک            ورجلک

ابیوم الکون لم گومک         ورجلک

( یردون الخصم بالموزمیه )


+ نوشته شده در  90/12/13ساعت 18:50  توسط ادیب الطائی  | 

قصیده بعنوان اعیون نرجس

قصیده بعنوان   اعیون نرجس

 

اعیون نرجس یا خلگ چتّاله       اسمیچه هیه او  وگعت ابهیّاله

****

سمچه نرجس تلعب ابمای البحر            او من لجلها الیال گضیت ابسهر

کلمن ایصد لیها بس یشبع قهر              ایروح فدوه الها السلف و ادلاله

*****

ورده نرجس نبّعت من الورد                و ابحسنها بالخلگ ما ینوجد

یا الهی اشلون دلالی انمرد                   ریم هیه او بالمشی میّاله

*****

ریم هیه او بعد او بعد احله امن الغزال       اشما ردت منها ما گالت محال

لا لها کار ابعمام او لا خوال                   او ما تهاب امن الابو و عساله

****

للغریب ابیوم شدت عالرحیل                 اعلی فرگاها بگه جسمی نحیل

بعد بیمن افتره عگب الخلیل                  او فوگ همی چملتنی اچماله

****

اتحملیت اهموم من لجل الحبیب             او صرت بین اهل الهوی عاشگ غریب

گامو اینعتونلی  الوادم طبیب                و اظن تدری العاشگ ابیاحاله

*****

اعشگتها من اسکنت ( حی الشعب )       و الدهر ابساعه بیه لعب

ابحبل عتانی ابدرب الصعب                و الدموع اعلی الوجن هماله

*****

الدموع اتهل و احشم بالولف               او مادریت ابیا بلد و ابیا سلف

حگی یا هالناس فاگدلی ترف              غاب عنی او ما یشع اهلاله

******

غاب عنی او گلبی بفراگه اشتعل          او ما اظن انساه ابو اعیون الشهل

العشگ چتّال اصلا موسهل                الیطیح ابّحره  ینسه اعیاله

*****

الیطیح ابّحره ینیه کل هله                  و آنه ماادری حبیبی ابیا فله

ابوسط گلبی بنیت منزل اله                او دوم عالبالی یمر اخیاله

*****

الیحب یا ناس ینسه خلته                  و ابد ما یلگه دوه العلته

یشفه بس اتعود و اترد سلوته             و اذا ما ترجع اله ویّ حاله

****

اذا ما ترجع اله ابذله یصیر               ینشده باله و ابعمره یحیر

الیفارج مو نسه  یصبح فقیر              الیگضی عمره اویه الولف هنیاله

****

لون الحب ینشری ابروحی اشتریت         او شبه طیر الینذبح هالفرفریت

چم ذبیحه الچم مگام آنه انذریت              راسی خف او صار عگلی اشلاله

+ نوشته شده در  90/11/18ساعت 20:25  توسط ادیب الطائی  | 

مقطع قصیده بعنوان : الحظ الخایب

مقطع قصیده بعنوانالحظ الخایب

 

الناس کلها تحچی ابوصف الحبیب

و آنه اشعر بالحزن و النایبه

الناس گضت العمر کله ابسرور

و آنه حظی القهر بس جایبه

الناس شو تبنی غدت بعله القصور

و آنه دهری اویای شن احرایبه

الناس شو تنسل غدت بجمل جعود

و آنه ما شمن حبیبی اگصایبه

آنه چنی مانی من های الانام

حتّی ولفی اویای یحچی ابحایبه

الاحسن اهجر و شرد و اسکن بعید

حتّی لتضلین روحی ذایبه  حتّی لتضلین روحی ذایبه

 

الدارمی


برخص ثمن یهوای انته البعتنی      او من رحت صوب اعدای داده اسحنتنی

+ نوشته شده در  90/11/18ساعت 20:23  توسط ادیب الطائی  | 

قصیده بعنوان الصاحب

قصیده بعنوان    الصاحب

 

لو تصاحب خوش صاحب لو تضل البلا صحیب

او هذی عادات الغیور او کلمن الحر او نجیب

***

هذهی من عادت النشمی اینول عزه او هم فخر

یسعی بالخیر او سلام او سیفه بس للحگ شهر

یمشی ابدرب العداله او ما یهاب امن الخطر

حیث من الزغر راضع هوه ابصافی الحلیب

***

حیث کل الوکت یسعی او دوم یحچی بالسلام

او وده اتعیش ابسعاده و الامن کل الانام

ینحمد عند الشعوب او بالاخص عند العمام

او تفتخر بسمه العشیره او رمحه ما یخطی او یصیب

***

تفتخر بسمه العشیره اللّی یکسب معرفه

کلها اتقدره او تحمده چی حوه اجمل صفه

لو خدم منهج العتره او دین هادی المصطفی

ایصیر عند اهل المکارم  کل وکت غالی او حبیب

***

ایصیر عند اهل المکارم موقفه یا خی عظیم

او یرشد العالم ابفضله او علمه او عگله السلیم

یرضه الباری ابوجوده او یدخله جنه النعیم

او یذکره التاریخ او یبگه اسمه حی دوم الادیب

+ نوشته شده در  90/11/18ساعت 20:21  توسط ادیب الطائی  | 

ابوذیات الجزء 2

وحگ الی اسحگته الخیل      و رضی

الشهم لازم یحب الناس         و رضی

ما طیع البطل للموت            ورضی

 ( او علی الحگ  دوم  ارحب  بالمنیه )

             ***********

هلی اهل الحچی الطیب        و دله

او یدگ هاون مضایفهه        و دله

طبعهم یرشد التایه              و دله

  ( او علمهم  دوم  یطرخ  بالثنیه   )

             ***********

وحگ عزنه او شرفنه       او شطربانه

الخصم یعرف نشامه         او شطربانه

بعد شفرح یصاحب           او شطربانه

   ( مدام اهل المجد تحت الوطیه )   

             ***********

العمر لابد اله انهایه                و له حد

او هظیمه الما طرد خصمه        و له حد

شخص الما خدم گومه             و لا حد

  ( ینعد اهوه  و المیت سویه ) 

              ***********

ابعزم گومه الرجل ینهاب          و صله

او لون بیهم یدگ عالخصم         و صله

وحگ الجسمه بالطف صار        و صله

  ( الاصیل الما یطیع اهل الردیه )

               *********

یصاحب ما یهمنی البرد           و الحر

او صرت اشبه الطیر الباز         و الحر

وحگ مسلم سفیر احسین         و الحر

   ( اظلن حر لما تدنه المنیه )

             ********

اسیس  بالقوافی  گمت           و بنای

او و لاسلیت روحی ابعود      و بنای

اظل امشی ابطریق المجد       و بنای

  ( یضل مثلی یخاوی اهل الحمیه )

              ********

هلی نیران ما  یطفه           یمرهم

او عدوهم عیب یتوهم        یمرهم

نخل عالی الما ینگص        یمرهم

   ( و لا عاصف یهزهم جیدنیه )

              ********

صرت شبه الحمام التاه          و الشاه

و اصیحن گمت کل اشتای      و الشاه

ارویضی ما جره المعروف     و الشاه

   (  ظلمنه و انگلع تحت الوطیه )

           ***********

مره اریف او مره اصیح          و لشاه

او صرت اشبه الطیر التاه         و الشاه

ارویضی ظلمه عیب انساه        و الشاه

  ( شبه فرعون چانو عالبریه )

          **********

اتمضمض گمت بالحنظل        و بیه

او هظم الشعب چایدنی          و بیه

الف لعنه اعلی کل خائن        و بیه

   (  الیبیع الوطن  لجل الاجنبیه ) 

             *******

احتلو مسجد الاقصی        و صحنه

او هظمه مرض السالم      و صحنه

ابیوم القدس کبرنه          و صحنه

   ( ضد صهیونا  اهل الردیه )

+ نوشته شده در  90/11/07ساعت 14:56  توسط ادیب الطائی  | 

دارمیات الجزء 2

تاج او تظل عالراس دومک یالعگال        او حگها اتفاخر بیک او تتباها الاجیال

*****


انحب و اکت ادموع لجلک یبو احیول       درحمنی گبل الموت خایب یمدلول

*****


یا گلبی بس اللوم صایر نصیبک             ما چنت اظنن هیچ یهجر حبیبک

*****


کون انگلب شاهین و اسکن بالجبال       چی بس آنه الطلعیت لا عم و لا خال

*****


کون انگلب شاهین و اشهگ لعد فوگ        خاطر اشوف اهوای من یشلی النوگ

*****


گالولی العذال عوف الولف عوف               و اهمه فلا یدرون بگلیبی مدیوف

*****


تمشی مشی الغزلان صایر یمزیون         او کل خوفی یابه اعلیک من های العیون

*****


کون انگلب نقال بید الاوده                    خاطر اذا یحچی  ایحطنی اعلی خده

****


یحیی و لمیس و نور شغلو فکرنه            او خلونه امبحرین عالشاشه صرنه

*****


یحیی و لمیس و نور و النوبه عمار       ارحمنه ابلطفک یارب یستار

****


لا عینی ترضه اتنام لا روحی اتهید         مشتاق الک یهوای چا یمته اتعید

*****


لا عینی ترضه اتنام لا گلبی یهجع         بسک من الهجران چا یمته ترجع

*****


صبح و نهار و لیل انظم بالابیات           و انته فلا تنشد یسمر یبد ذات

*****


کون انگلب عصفور فوگچ یشجره         هلبت تجی فد یوم تلزمنی سمره


*****

المصدر


+ نوشته شده در  90/11/02ساعت 15:47  توسط ادیب الطائی  | 

ابوذیات غزل الجزء 1


البشر کلهه من الدنیه             تراحل

او فگد اعضای کل جسمی       تراحل

یشامت لا تگل لحد                 تراحل

الک یوم التطمک هالوطیه

 *****

الناس العود یانسها            و ناطار

او کلها اگلوبها جیده          و ناطار

حمام الحب سکن یمها         و ناطار

شاه او راح مدری ابیا نویه

 *****

ابشاطی الحب شفت یا ناس       بطین

رمنی او صار بالدلال              بطین

یما اویاهن لعبنه ازغار           بطین

( او گضت بفراح من چنه سویه )

 *****

یهالمبعد علی  خایب                ولک راد

او دلیلی هل یحن صوبک         ولک راد

الترک ابچت علی حای              و الاکراد

( او عربنه اگعدت تتلاطم علیه )

 *****

العسل بریج یا مدلول            حتمی

و اذا متحن مماتی ایصیر       حتمی

اعرفنک لون عذال               حتمی

( ابوصولک ما یمنعونک علیه )

*****

المصدر



+ نوشته شده در  90/10/29ساعت 18:51  توسط ادیب الطائی  | 

هوسات الجزء4

ما اقبل مذله او لا اطیع الزور

او شبه کوسی اضل الما تکضه ابحور

خل دهری یعاند خل یکثر الیور

( من یوره ما یضعف عزمی )

            ******

الشرف  لهلی  یهالتنشد تفصل  ثوب

و اخبرنک اسمهم  بالگلب مکتوب

هلی صاحو ابحین انتصروا علی الطوب

( الطوب  احسن  لو مگواری )

            ******

هلی عدوان  من ارض الوطن زاحو

او لجل الدین چم واحد چتل راحو

ما ننسه اهلنه البالحرب  صاحو

 ( یلهاوی  الجنه امشی اویانه )

         ******

من حمله هلی  کوکز بقه محتار

ولا فادت اطوابا زمره الاشرار

یوم الشاف اجیوشه غدت طشار

 ( ضل  حایر وین اینویها )

*****

 

+ نوشته شده در  90/10/25ساعت 20:56  توسط ادیب الطائی  | 

مطالب قدیمی‌تر